الصلاة في الأيمان المسيحي هي دعاء وحديث بينك وبين الله , المصلي تيقدم لله سبحانه وتعالى , الشكر والحمد وتيسولو باش إغفر ليه الدنوب ديالو , وتيطلبو على كل حاجة في بالو
الصلاة أما تتكون بوحديتك أو مع الجماعة ديال المؤمنين . بوحديتك : في بيتك , سيارتك , عملك , مدرستك في الجامعة , وفي أي مكان أخر تيخطر على بالك , الله موجود ويمكن ليك تصلي ليه بخشوع وتقوى ووقار ومهابة . تتقول كلمة الله في إنجيل لوقا 18: 1
أما الصلاة مع الجماعة ديال المؤمنين , فتتكون في إجتماع تنقول عليه إجتماع صلاة , وفي الغالب تتكون في الكنيسة أو في البيوت , و في أي مكان أخر تيخطر على بالك , حيث الله موجود .
ماكينش شي شرط او شكل ولا طريقة أو وقت أو مكان أو إتجاه . محدّد للصلاة في المسيحية ، ماكينش غسل اليدين مثلاً أو عدد ركعات معينة أو تقول شي كلام معين .
الصلاة ماعندهاش علاقة بالحركات ممكن تكون واقف وأنت كدعي أو جالس أو كتمشي , الصلاة هي حديث وحوار بينك وبين الله اللي ماكيتشافش لكن كنحسو به موجود معانا
تتقول كلمة الله في إنجيل متى 18 : 20 . حِيتْ فِينْ مَا تّْجَمْعُو جُوجْ وْلَا تْلَاتَة بْالْإِسْمْ دْيَالِي، تْمَّ أَنَا كَايْنْ فْوَسْطْ مْنّْهُمْ
الله ماتيشوفش الخارج ديال بنادم ولكن تيشوف الداخل ديالو , فكره وقلبه . الله بغانا نكونو نقين من الداخل باش إفرح بصلاة ديالنا وتكون عندو مقبولة ومرضية ويستجيب لها بحسب المشيئة ديالو تتقول كلمة الله في يعقوب . قَرّْبُو مْنْ اللَّهْ وْهُوَ غَيْقَرّْبْ مْنّْكُمْ. غْسْلُو يْدِّيكُمْ آ الْمُدْنِبِينْ، وْنْقِّيوْ قْلُوبْكُمْ آ اللِّي عَنْدْكُمْ جُوجْ دْ الْأَرَاءْ.
إيوا صديقي المستمع , واش هاد ماشي إمتياز عظيم باش نكونو في محضر ديال الله , نكلموه ونشعرو بروحه القدس تكودنا وتورينا وتقوينا وثبتنا في الايمان , بلى صلاة تيضعف المؤمن وتيدبل الايمان ديالو وتيولي صيد ساهل لعدو الخير الشيطان .
تتقول كلمة الله في كولوسي 4 : 2 . دَاوْمُو عْلَى الصّْلَاة، وْكُونُو دِيمَا مُوجُودِينْ بَاشْ تْشَكْرُو اللَّهْ فْصْلَاتْكُمْ
أخي المستمع , تنصلي باش الرب يلمس حياتك وتوب وتصلي ليه وتسلم ليه حياتك باش تكون مشيئة ديالو . الرب تيحبك وفرحان بوجود ديالك في المحضر ديالو تكلم معاه هو يسمع ليك . أمين.
