مَا تْرَفْدُوشْ الْهَمّْ

كل أرض تشرب ماها , أوكل حبة نابتة فيها حكمة ثابتة , قالت الوردة : سقيني فالليالي وخليني نعمل شغالي , حيث إلا صبت الشتا في الليالي , ولا عليك في التوالي , وإلا روات في الليالي , مابقا علاش تسالي .
يصبح ويفتح , واللي كيخمم باش يعيش واخا يجري جرى الوحوش من رزقك ما تحوش , هو اللي كيعطي وهو اللي كياخْذ .
حيث مابين اللقمة و الفم كيريد ويحكم , فلا تخمم ولا تذمم حيث اللي في رزق مزمم , كيبيتها فشان ويصبحها فشان وهو عظيم الشَّان .
لا تفكر لها رب مدبر , الله كيخلق ويرزق , مادم طول ما أنت حي رزقك راه جاري .
تتقول كلمة الله : وْعْلَى هَادْشِّي، ݣَاعْ مَا تْرَفْدُو الْهَمّْ وْتْݣُولُو: آشْ غَادِي نَاكْلُو؟ وْلَا آشْ غَادِي نْشَرْبُو؟ وْلَا آشْ غَادِي نْلَبْسُو؟ رَاهْ حْتَّى اللِّي مَا كَيْعَرْفُوشْ اللَّهْ كَيْطْلْبُو ݣَاعْ هَادْشِّي، وْبَّاكُمْ اللِّي فْالسّْمَا كَيْعْرَفْ بْلِّي نْتُمَ مْحْتَاجِينْ لْهَادْشِّي كُلُّه. وَلَكِنْ قَلّْبُو فْاللّْوّْلْ عْلَى مَمْلَكَةْ اللَّهْ وْالْمُرَادْ دْيَالُه، وْهَادْشِّي كُلُّه غَيْتّْزَادْ لِيكُمْ. وْمَا تْرَفْدُوشْ الْهَمّْ لْلنّْهَارْ اللِّي جَايْ، خَلِّي هَمّْ غْدَّا لْغْدَّا. وْكُلّْ نْهَارْ بَرَكَا عْلِيهْ غِيرْ هَمُّه .
إنجيل متى 6: 31-32