كانت حياتي مكفنة بالرمل , وضحكت عندي ولاّت سم , حياتي تخوضت ومابغات تصفى , لكن لما تعلق قلبي بالمسيح , الحق بان وعرفت طريق , حياتي ولى عندها معنى وسر , وتعاهدت باش ننقش أسمه على الكف .
شدوني وقالوا عليا حمق مهبول , قطعو عليا طريق وعدبوني , هرسوني وعيطو على الجبار يركبني تركيبة تعجبهم , شاف فيا وهو يتفسخ كل حجاب , صليب منقوش على الكف , ونار الحق تتكلم , وروحي رجعات .
و هانا هاز الصليب فوق ظهري ومحافظ على العهد نلهج ليل نهار بحروف من دهب الصافي من كلمة الله : سْعْدَاتْ هَادُوكْ اللِّي كَيْتّْعَدَّاوْ عْلِيهُمْ عْلَاحْقَّاشْ تَابْعِينْ طْرِيقْ الْحَقّْ، حِيتْ لِيهُمْ مَمْلَكَةْ السَّمَاوَاتْ. وْسْعْدَاتْكُمْ إِلَا عَايْرُوكُمْ النَّاسْ وْتّْعَدَّاوْ عْلِيكُمْ وْݣَالُو فِيكُمْ ݣَاعْ الْهَضْرَة الْخَايْبَة بْالْكْدُوبْ، عْلَى وْدِّي. فْرْحُو وْطِيرُو بْالْفَرْحَة عْلَاحْقَّاشْ أَجْرْكُمْ عْظِيمْ فْالسَّمَاوَاتْ، حِيتْ رَاهْ بْحَالْ هَكَّا تْعَدَّاوْ عْلَى الْأَنْبِيَا اللِّي قْبَلْ مْنّْكُمْ .
