كل واحد كيعرف شمس بلاده منين كتطلع , وحنا شمس بلادنا مازال ما باغي يبان ليها الضوء , واش عام مضا وعام حضر وبلادنا راكدة كا تشخر , إيوا تحزمو ياولاد البلاد , المدارس ماكافية لكل الصبيان , السبيطارات مايرضيو مرضان , البطالة تفشات ف الشبان , بلادنا مازالت متخلفة بين الاوطان , ورحمو داك الجيعان , خدموا بالصفى والنية بالوفى والاخلاص باش ديما تكونو مرفوعين الراس و باش بلادنا تزيد لقدام يا هاد ناس .
إه راني داوي معاك أنت , إه أنت , مالك تغيرتي في رمشة عين , وبدلك داك الكرسي علينا في الحين , وما بقيتي داك المسكين دريويش , راه كل مسؤول معزول والرعية راها معامرها غادي تْزول , و زيدها في رأس راه نقا على النقا ماتيورد شقا , و أح على غْدا إما اليوم راه عدا .