بريدك اليوميتأملات القراء

لسانْك حصانْك إلاَ صْنتيه صانْك

على عينك يابنعْدّي , يقولها ليك في وجهك , مايحشم مايرمش , نسى راه اللسان ما فيه عظْم , يقتل ويحي , وبكلمة وحدة كـتـزيّـن وبكْـلـمة كتـقّـبح , كلمة تحنّن وكلمة توجع .

خويا وأختي , كلام النّاس إما يدير الوسْواس ويقلْب الذّهب نْحاس وإما يفتح الأبواب ويشفي لقلوب .

 رد بالك يالغافل كلام شر بجوانحه وكلام الخير زحَّاف و لسانْك حصانْك إلاَ صْنتيه صانْك ويلاَ هنْتيه هانْك , والله يجيبنْا في الصواب .

تتقول كلمة الله : إِلَا دْرْنَا اللّْجَامْ فْفُمّْ الْخِيلْ بَاشْ تْطِيعْنَا، رَاهْ كَنْوَجّْهُوهَا كِمَا بْغِينَا. 4 شُوفُو السّْفِينَة، وَاخَّا هِيَ كْبِيرَة وْكَتْدْفَعْهَا رِيحْ قْوِيَّة، رَاهْ غِيرْ بْدْفَّة صْغِيرَة بْزَّافْ كَيْوَجّْهْهَا هَادَاكْ اللِّي كَيْسُوݣْهَا فِينْ مَا بْغَا. 5 هَكَّا حْتَّى اللّْسَانْ، هُوَ غِيرْ طَرْفْ صْغِيرْ فْالدَّاتْ، وَلَكِنْ كَيْفْتَخْرْ بْبْزَّافْ دْ الْحْوَايْجْ. شُوفُو كِيفَاشْ شْعْلَة دْ الْعَافْيَة صْغِيرَة كَتْحْرَقْ غَابَة كْبِيرَة. 6 وْاللّْسَانْ عَافْيَة! مْجْمُوعْ فِيهْ ݣَاعْ الشَّرّْ، هُوَ طَرْفْ فْالدَّاتْ دْيَالْنَا كَيْنَجّْسْهَا كُلّْهَا، وْكَيْحْرَقْ الدّْنْيَا كُلّْهَا بْالْعَافْيَة اللِّي كَتْجِي مْنْ نَارْ جَهْنَّمْ. 7 رَاهْ بْنَادْمْ قَادْرْ يْتّْحَكّْمْ فْݣَاعْ نْوَاعْ الْوْحُوشْ وْالطّْيُورْ وْالْحَيَوَانَاتْ اللِّي كَيْزْحْفُو وْالْمْخْلُوقَاتْ اللِّي فْالْبْحَرْ، وْرَاهْ دَاكْشِّي اللِّي دَارْ. 8 وَلَكِنْ اللّْسَانْ، حْتَّى وَاحْدْ مَا يْقْدَرْ يْتْحَكّْمْ فِيهْ. هُوَ شَرّْ مَا كَيْغَلْبُو حَدّْ، وْعَامْرْ بْالسّْمْ اللِّي كَيْقْتَلْ. 9 بِيهْ كَنْشَكْرُو الرَّبّْ وْالْآبْ، وْبِيهْ كَنْلَعْنُو النَّاسْ اللِّي خْلَقْهُمْ اللَّهْ عْلَى صُورْتُه. 10 مْنْ فُمّْ وَاحْدْ كَيْخْرُجْ الْكْلَامْ اللِّي كَيْبَارْكْ وْالْكْلَامْ اللِّي كَيْلْعَنْ! وْهَادْشِّي آ خُوتِي، مَا خَاصُّوشْ يْكُونْ!.

رسالة يعقوب الإصحاح 3 العدد 3 الى 10 .

لسانْك حصانْك إلاَ صْنتيه صانْك
لسانْك حصانْك إلاَ صْنتيه صانْك
اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟