أمثال المسيح : الْمْتَالْ دْ الْخْرُوفْ الْمُّوضّْرْ
أمثال المسيح : الْمْتَالْ دْ الْخْرُوفْ الْمُّوضّْرْ

أمثال المسيح : الْمْتَالْ دْ الْخْرُوفْ الْمُّوضّْرْ

أخي أختي نرحب بك في هاد اللقاء الجديد من أمثال المسيح , أول حاجة لي غادي نتكلموا عليها علاش السيد المسيح كان تيستعمل بزاف ديال الامثال مع الناس ؟

الجواب هو ان السيد المسيح كان باغي يوضح امور وحقائق روحية مهمة لناس من خلال المثل.

مستمعي العزيز , واش سبق لك  شفتي او عشتي حالة ضياع ديال الابن من الام وسط الزحمة ديال الناس ؟

كيف تتكون حالة الوالدين  في تلك اللحظة لي تيتُوه ويتدّور  فيها على الابن ديالوليهم ؟

وكيف تتكون حالة الوالدين في تلك اللحظة لما تيلقاو وتيعْثر على الابن ديالولهم ؟

تصور وتخيل معايا هده اللحظات المفرحة والمؤلمة بين الوالدين والابن ديالهم لي ضاع ليهم وقاوه .

السيد المسيح تكلم على هده اللحظات وصاغها في مثل معروف في الانجيل وهي الْمْتَالْ دْ الْخْرُوفْ الْمُّوضّْرْ.

تيحكي المثل في انجيل لوقا الاصحاح 15 والعدد 1 الى 8 : وْكَانُو ݣَاعْ مَّالِينْ الضَّرِيبَة وْالْمُدْنِبِينْ كَيْقَرّْبُو لْيَسُوعْ بَاشْأمثال المسيح : الْمْتَالْ دْ الْخْرُوفْ الْمُّوضّْرْ يْسَمْعُوهْ.* 2 وْبْدَاوْ الْفْرِّيسِيِّينْ وْالْعُلَمَا دْ الشّْرَعْ كَيْتّْشْكَّاوْ مْنْ يَسُوعْ وْكَيْݣُولُو: «هَادْ الرَّاجْلْ كَيْرَحّْبْ بْالْمُدْنِبِينْ وْكَيَاكُلْ مْعَاهُمْ!». 3 وْهُوَ يْرَدّْ عْلِيهُمْ بْهَادْ الْمْتَالْ وْݣَالْ: 4 «إِلَا شِي وَاحْدْ مْنّْكُمْ عَنْدُه مْيَةْ خْرُوفْ وْتّْوَضّْرْ لِيهْ وَاحْدْ مْنّْهُمْ، وَاشْ مَا غَيْخَلِّيشْ التّْسْعُودْ وْتْسْعِينْ فْالْخْلَا وْيْمْشِي يْقَلّْبْ عْلَى الْخْرُوفْ الْمُّوضّْرْ حْتَّى يْلْقَاهْ؟ 5 وْمْلِّي يْلْقَاهْ، يْهَزُّه عْلَى كْتَافُه وْهُوَ فْرْحَانْ، 6 وْمْلِّي يْرْجَعْ لْلدَّارْ، يْعْرَضْ عْلَى صْحَابُه وْجِيرَانُه وْيْݣُولْ لِيهُمْ: فْرْحُو مْعَايَ، عْلَاحْقَّاشْ لْقِيتْ الْخْرُوفْ دْيَالِي اللِّي كَانْ مُّوضّْرْ لِيَّ! 7 نْݣُولْ لِيكُمْ: رَاهْ هَكَّا غَتْكُونْ الْفَرْحَة فْالسّْمَا بْمُدْنِبْ وَاحْدْ كَيْتُوبْ، كْتَرْ مْنْ الْفَرْحَة بْتْسْعُودْ وْتْسْعِينْ وَاحْدْ مْتَّاقِينْ اللَّهْ مَا مْحْتَاجِينْشْ لْلتُّوبَة

كما تنلاحظوا فان المناسبة ديال هدا المثل هو أن الناس تجمعات على السيد المسيح باش اسمعوا ليه وكان من بيناتهم ناس فاسدين وصالحين فيهم كدلك المالين الضريبة اللي تيقول عليهم العشارون واللي ماتيحملهوش الناس حيث هما ظالمين وفاسدين

علماء الشرع والفريسين لما شافو هاد الشي ماعجبهم حال , كيفاش المسيح جالس ومجمع عليه هاد رباعة ديال عامة الناس وحثالى , كالس يدي وجيب معاهم في الهدرة وزيدها مشاركهم الطعام .

باش اجاوبهم السيد المسيح  , جاب ليهم هاد المثل ديال الخروف الضال .

الله يحب كل إنسان وتيقلب ويفرح بكل خاطئ وظالم تايب وراجع على فعلوا , واش تتعرف خويا وأختي أنك أنسان خاطئ ومودر في طريق ديال الشر والاثم ؟ واش تتعرف بأن الله تيقلب عليك وباغيك ترجع لطريق ؟ ماكينش شي واحد في هاد الدنيا صالح , كل واحد فينا محتاج لتوبة ورحمة ومغفرة ديال الله .

الله عبر على محبته لما رسل المخلص السيد المسيح باش يموت على الصليب على قبال الخطية ديال البشر كلهم, خصك تعرف بأن كلنا بحال مثال الخروف الضال والله تيقلب علينا وباغي يخلصنا من الدنوب والاثم والمعاصي ديالنا .

وانتَ وانتِ مستمعي الكرام ؟ واش تتعرف انك انسان خاطىء ومحتاج لتوبة والخلاص لي قدموا السيد المسيح على الصليب , لي كان جوابك بالايجاب تأكد أن ذنوبك تغفرات , والحياة ديالك غادي تغير من الداخل , وتأكد أنك حصلتي على الحياة الدايمة والسماء والملائكة فرحانين بك .

إذا كانت لديك أي أسئلة بخصوص الأيمان المسيحي , أو تريد أن تتعرف على أخوة مؤمنين بالمسيح من منطقتك , أو كان لديك إختبار شخصي مع المسيح وقبلته مخلصا وتود نشره على الموقع، فرجاء منك إرساله على عنوان البريد الألكتروني :

4Maroc@Gmail.Com

الرقم داخل المغرب : 0642833322

www.LoveMaroc.Com

الرب يباركك