اسئلة واجوبةدراسة من الكتاب

أشنو هو روح القدس ؟

خليونا نقراو مجموعين أش قال السيد المسيح على روح القدس في إنجيل يوحنا 14 . 21:15

«إِلَا كْنْتُو كَتْبْغِيوْنِي، إِيوَا دِيرُو بْالْوْصِيَّاتْ دْيَالِي. 16 وْأَنَا غَنْطْلَبْ مْنْ الْآبْ وْغَيْعْطِيكُمْ مُعِينْ آخُرْ، بَاشْ يْبْقَى مْعَاكُمْ عْلَى الدّْوَامْ، 17 هُوَ رُوحْ الْحَقّْ اللِّي مَا قَدْرُوشْ نَاسْ الدّْنْيَا يْقْبْلُوهْ، حِيتْ مَا كَيْشُوفُوهْشْ وْمَا كَيْعَرْفُوهْشْ. وَلَكِنْ نْتُمَ رَاكُمْ كَتْعَرْفُوهْ، عْلَاحْقَّاشْ سَاكْنْ مْعَاكُمْ وْغَادِي يْكُونْ فِيكُمْ. 18 مَا غَنْخَلِّيكُمْشْ يْتَامَى، رَانِي غَنْرْجَعْ لْعَنْدْكُمْ. 19 مْنْ دَابَا شْوِيَّة نَاسْ الدّْنْيَا مَا غَيْبْقَاوْشْ يْشُوفُونِي، وَلَكِنْ نْتُمَ غَتْشُوفُونِي. وْحِيتْ أَنَا حَيّْ، حْتَّى نْتُمَ غَتْحْيَاوْ. 20 فْدَاكْ النّْهَارْ غَادِي تْعَرْفُو بْلِّي أَنَا فْالْآبْ وْنْتُمَ فِيَّ وْأَنَا فِيكُمْ. 21 رَاهْ اللِّي عَنْدُه الْوْصِيَّاتْ دْيَالِي وْكَيْدِيرْ بِيهُمْ هُوَ اللِّي كَيْبْغِينِي، وْاللِّي كَيْبْغِينِي غَيْبْغِيهْ بَّا، وْأَنَا غَنْبْغِيهْ وْغَنْبَيّْنْ لِيهْ رَاسِي

المسيحيون عندهم إيمان بأن الروح القدس هو روح الله , هو الأقنوم الثالث في الثالوث الأقدس الاله الواحد لي ماتينفصلش ما تيتجزأش.

الكتاب المقدس تيعلمنا وتيأكد لينا بوضوح أن صفات الروح القدس إلهية , هو تيجدد حياة المؤمنين بالمسيح وتيعمل في حياتهم وفي الكنيسة بشكل عام  .

الكتاب المقدس تيأكد لينا أن الروح القدس هو واحد في الألوهة مع الاب والابن .

أيوا أجيو نتعرفو على صفات واعمال وأسماء روح القدس من خلال كلمة الله في الكتاب المقدس

صفات الروح القدس :

الروح القدس هو أزلي . كلي العلم والمعرفة . كلي الوجود هو كامل القدرة

إنجيل متّى 12: 28،

وَلَكِنْ إِلَا كْنْتْ أَنَا بْرُوحْ اللَّهْ كَنْخَرّْجْ الجّْنُونْ، رَاهْ مَمْلَكَةْ اللَّهْ جَاتْ فْوَسْطْ مْنّْكُمْ.

أعمال الروح القدس المباركة في حياة المؤمنين والكنيسة :

يعلِّم ويذكّر المؤمنين بتعاليم المسيح: وَلَكِنْ الْمُعِينْ اللِّي هُوَ الرُّوحْ الْقُدُسْ، اللِّي غَيْصِيفْطُه الْآبْ بْالْإِسْمْ دْيَالِي، رَاهْ هُوَ اللِّي غَيْعَلّْمْكُمْ كُلّْشِي وْيْفَكّْرْكُمْ بْكُلّْ مَا ݣْلْتْ لِيكُمْ . إنجيل يوحنّا 14: 26.

يُمجِّد المسيح: وْهُوَ اللِّي غَيْبَيّْنْ الْعَزّْ دْيَالِي، عْلَاحْقَّاشْ دَاكْشِّي اللِّي غَيْخَبّْرْكُمْ بِيهْ رَاهْ هُوَ مْنْ عَنْدِي إنجيل يوحنّا 16: 14.

يجدِّد حياة الإنسان روحيّاً : رَاهْ اللِّي تّْوْلَدْ مْنْ الدَّاتْ هُوَ دَاتْ، وْاللِّي تّْوْلَدْ مْنْ الرُّوحْ هُوَ رُوحْ. 7 مَا تّْعَجّْبْشْ إِلَا كْنْتْ ݣْلْتْ لِيكْ بْلِّي خَاصّْكُمْ تّْوَلْدُو مْنْ جْدِيدْ. 8 الرِّيحْ كَتْسُوطْ فِينْ مَا بْغَاتْ، وْكَتْسْمَعْ الصُّوتْ دْيَالْهَا وَلَكِنْ مَا كَتْعْرَفْشْ لَا مْنِينْ كَتْجِي وْلَا فِينْ كَتْمْشِي: هَكَّا كُلّْ وَاحْدْ تّْوْلَدْ مْنْ الرُّوحْ

إنجيل يوحنّا 3: 6 – 8

من أعمال الروح القدس المباركة في حياة المؤمنين والكنيسة :

يمنح التبنّي , يُقدِّس , يُرشِد , يمنح المواهب الروحية للمؤمنين بالمسيح , يشهد عن المؤمنين بالمسيح أنهم أولاد الله , يُوبِّخ على الخطية , يمكث مع المؤمنين, يُعزّي , يقوي المؤمن , يسكن في المؤمنين ,

القدرة على إقامة الموتى , يمنح المؤمنين قوة وشجاعة للشهادة : وَلَكِنْ غَادِي تَاخْدُو الْقُوَّة مْلِّي يْنْزَلْ عْلِيكُمْ الرُّوحْ الْقُدُسْ، وْغَتْكُونُو لِيَّ شْهُودْ فْأُورْشَلِيمْ وْبْلَادْ الْيَهُودِيَّة كُلّْهَا وْالسَّامِرَة، وْحْتَّى لْآخِرْ بْلَاصَة فْالدّْنْيَا . اعمال الرسل 8:1

أسماء الروح القدس

ليقرينا الكتاب المقدس غادي نقاو بزاف أسماء ديال روح القدس منها :

روح الحكمة , روح المحبة، المُعزّي , روح الحق، روح القداسة ، روح الحياة ، روح المسيح , روح التبنّي، روح الابن، روح الموعد القدوس، روح الحكمة ، رُوحَ الْحِكْمَةِ , روح يسوع المسيح، روح المجد . أيضاً من أسماء الروح القدس في الإنجيل المقدس: روح الرب : وْݣَالْ لِيهَا بُطْرُسْ: «مَالْكُمْ تَّافْقْتُو بَاشْ تْجَرّْبُو رُوحْ الرَّبّْ؟ هَاهُمَ الرّْجَالْ اللِّي دْفْنُو رَاجْلْكْ وْصْلُو لْلْبَابْ، وْغَادِي يْهَزُّوكْ حْتَّى نْتِ عْلَى بْرَّا (أعمال الرّسل 5: 9)، وروح الله : وْشْكُونْ اللِّي كَيْعْرَفْ آشْ كَايْنْ فْأَفْكَارْ بْنَادْمْ مْنْ غِيرْ الرُّوحْ اللِّي فِيهْ؟ هَكَّاكْ حْتَّى أُمُورْ اللَّهْ مَا كَيْعْرَفْهَا حَدّْ مْنْ غِيرْ رُوحْ اللَّهْ. رسالة كورنثوس الأولى 2: 11).

أخي المستمع , الروح القدس تيدعوك باش تعرف عليه وخليه باش يدخل لحياتك باش تختبر النعمة أعماله المباركة في حياتك , لي قبلت عمل روح القدس صديقي المستمع في حياتك وبالايمان بدبيحة المسيح الكفارية , حياتك غادي تعرف طريق الفرح وغادي تحصل على الحياة الدايمة

أشنو هو روح القدس ؟
أشنو هو روح القدس ؟
اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟