اسئلة واجوبةدراسة من الكتاب

أشنهيا الكنيسة ؟

الكنيسة ماشي بناية وخا الكنيسة تتكون في مبنى , الكنيسة ماشي طائفة وخا أن تحديد المعتقدات ضروري للكنيسة , الكنيسة ماشي فقط إجتماع ديال المؤمنين وخا الكنيسة ماخاصهاش تفرط في الاجتماعات , الكنيسة ماشي مبنية على شخص واحد معين وخا ان الكنيسة لزم أكون ليها قيادة واحدة , الكنيسة ماشي بالحجم ديالها و نموها وخا أن كل كنيسة عندها مسؤولية ديال التعليم والتلمدة ديال ناس جداد

وزيدون راه ماخاصناش نشوفو الكنيسة على انها فقط مكان ولا عنوان , لكن خصنا نشوفها كيان تيتحرك في كل مكان . تتقول كلمة الله في يوحنا 15 -16 :

مَاشِي نْتُمَ اللِّي خْتَارْتُونِي، وَلَكِنْ أَنَا اللِّي خْتَارْتْكُمْ وْكَلّْفْتْكُمْ بَاشْ تْمْشِيوْ وْتْجِيبُو الْغْلَّة، وْغَلّْتْكُمْ تْدُومْ، وْالْآبْ غَيْعْطِيكُمْ كُلّْ مَا كَتْطْلْبُو بْالْإِسْمْ دْيَالِي.

ماخاصناش نشوفو الكنيسة شي حاجة مبنية أوتتبنى , ولكن خصنا نشوفها حاجة لي تتنتشر في كل مكان . تتقول كلمة الله في بطرس الاولى 2-5 :

 إِيوَا كُونُو حْتَّى نْتُمَ بْحَالْ الْحْجَرْ الْحَيّْ اللِّي غَيْتّْبْنَى بِيهْ بِيتْ اللَّهْ الرُّوحِي، وْكُونُو رْجَالْ الدِّينْ مْقَدّْسِينْ بَاشْ تْقَدّْمُو دْبَايْحْ رُوحِيَّة مْقْبُولَة عَنْدْ اللَّهْ بْيَسُوعْ الْمَسِيحْ

ماخاصناش نشوفو الكنيسة واحد المكان لي تنتعبدو فيه كل أسبوع , ولكن خصنا نشوف حنا راسنا داخل كل يوم من أيام الأسبوع

حيث الكنيسة هي ليدين ورجلين ديال يسوع المسيح , فالرجلين مايمكنش ابقاو واقفين في بلايصهم , وليدين مايمكنش إبقاو مربعين وماتيديرو حتى شي حاجة , رجل راه تتمشي واليد تتخدم , هدي هي الكنيسة . تتقول كلمة الله في رمية 10 -15

وْكِيفَاشْ غَيْبَشّْرُو إِلَا مَا صِيفْطْهُمْ حَدّْ؟ كِيفْ مْكْتُوبْ فْكْتَابْ اللَّهْ: «شْحَالْ زْوِينَة قْدَامْ هَادُوكْ اللِّي كَيْخَبّْرُو بْالْبْشَارَة

الكنيسة ماشي هي المكان لي كاعدين فيه دبا , الكنيسة هي انا وانت , خصنا نخرجو باش اكون كل واحد فينا كنيسة تتقول كلمة الله في متى 18 -20 :

حِيتْ فِينْ مَا تّْجَمْعُو جُوجْ وْلَا تْلَاتَة بْالْإِسْمْ دْيَالِي، تْمَّ أَنَا كَايْنْ فْوَسْطْ مْنّْهُمْ.

صديقي المستمع لي كنت قدمتي توبة ديال بصح , وخليتي يسوع المسيح أكون هو المخلص والرب على حياتك , فانت واحد من الكنيسة وعضو في الجسد ديال المسيح وسفير في مملكة الله , وخصك تقوم بالدور ديالك داخل الكنيسة ماشي غير تحضر وتاخد

خلينا نصليو هاد الصلاة ونقول ياربي تنشكرك لانني جزء من الكنيسة , ساعدني باش نكون إيجابي وفاعل في المملكة ديالك ساعدني باش نهتم بخوتي ونخدمهم بصدق ومحبة . أمين

أشنهيا الكنيسة ؟
أشنهيا الكنيسة ؟

 

اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟