انا عصفور صغير … سبحان ربي الحنان
ليَّ جناحين وبَطير … سواح في كل مكان
قرار
معاك دايما مطمن … ولا هم الدنيا بَعول
فكري سارح في السّما … وبالعالم مش مشغول
محفوظ في يد القدير … مليش هنا عنوان
اشرب من كل غدير … وعشّي بين الاغصان
اصبحت في يوم اسير … ووقعت في ايد سجّان
حبسني في قفص صغير … ومعدتش اشعر بأمان
يا رب يا خالق الطير … والنبات والحيوان
خلصني من الشرير … قلبك كله الحنان
بقلم: اسامة فؤاد حنا الجاولى
