اسئلة واجوبةدراسة من الكتاب

واش الكتاب ديال النصارى بصح كلام الله ؟

السؤال لي خصنا نوجهو لنفوسنا هو , كيفاش يمكن لينا نتأكدو بأن الكتاب المقدس هو بصح كلام ديال الله , وماشي غير كتاب زوين ومفيد ؟

ايوا أجي نقراو مجموعين سفر تيموثاوس الثانية 15:3 – 17، وفيها يقول :” وْكْتَابْ اللَّهْ كُلُّه جَا بْالْوَحْيْ مْنْ عَنْدْ اللَّهْ، وْنَافْعْ لْلتَّعْلِيمْ وْالتَّنْبِيهْ وْالتَّصْحِيحْ وْالتَّأْدِيبْ فْدَاكْشِّي اللِّي كَيْرْضِي اللَّهْ، 17 بَاشْ يْكُونْ رَاجُلْ اللَّهْ قَادْرْ عْلَى كُلّْشِي وْمُوجُودْ يْدِيرْ كُلّْ خْدْمَة مْزْيَانَة.

كين براهين وحجج من داخل لكتاب تتبين لينا ان كتاب المقدس هو بصح كلام الله

مثال على هده الجج وحدة الكتاب المقدس : الكتاب المقدس تيحتوي على 66 جزء , تكتب في ثلاثة ديال القارات , وبثلاثة لغات , في مدة 1500 عام , ومن خلال 40 كاتب ومن خلفيات متعددة .

بالرغم هاد التنوع والتعدد تنقاو ان الكتاب المقدس متناسق في المضمون والموضوع بلى مانقاو حتى شي تناقضات.

إيوا واش هدا ماشي دليل , بأن كتاب ديال نصارى المصدر ديالو هو الله , وان روح الله ستخدمت ناس بزاف باش إكتبو كلماته الالهية.

مثال أخر من داخل الكتاب المقدس , النبئوات لي مكتوبة : كل النبؤات لي مذكورة في لكتاب المقدس هي مكتوبة بالتفصيل والتدقيق وكل مرة كين إثباتات على هاد الحقائق راه موجودة .

الكتاب المقدس فيه مئات ديال النبؤات لي مكتوبة بالتفصيل , نبؤات ديال الامم والمدن ومستقبل البشرية , وبمجيء المسيح على الارض كينة أكثر من 300 نبؤة مكتوبة بوحديتها في العهد القديم , على الولادة والنسب والصلب والقيامة .

إيوا هاد النبؤات لي مدكورة بالتفصيل والاستفاضة والاتمام ديالها ماتيدل الا أن الكتاب المقدس بالايمان مصدره الهي .

أما الدليل الثالث لي تيثبت أن الكتاب المقدس راه مصدر ديالو الهي , هي قوتو وسلطة لي فيه , الكتاب المقدس فيه سلطة وقوة ماموجودش في اي كتاب أخر , هو كتاب تيغير حياة الناس بزاف لي قراوه وسمعو اش فيه , مدمني المخدارت تحروا من الادمان , والشواد تخلصوا من العادات ديالهم , والمجرمين تغيرت حياتهم , والكراهية والعداوة تحولات لمسامحة والمحبة , وهاد القوة والسلطة لي في كتاب المقدس المنبع ديالها من قوة الله في كلامو .

أيو إدا كانت هدي غير حجج من داخل لكتاب المقدس تثبت أنه كلام الله , راه كين حجج من خارج لكتاب .

الحقائق التاريخية لمكتوبة في الكتاب المقدس : الاحداث والوقائع التاريخية لمكتوبة في الكتاب المقدس كين إثباتات علمية أنها صحيحة ودقيقة , فهو مرجع تاريخي باش نعرفو الاحداث في العالم القديم , صحة الموضوعات تيدل على صحة التعاليم الدينية لمدكورة وتيأكد أن هاد الكتاب المقدس كلام الله .

شخصيات مدوني الكتاب المقدس : الله أستخدم أشخاص بزاف من خلفيات كثيرة باش اكتبو الكتاب المقدس , دراسة الحياة ديالهم وتفحص السيرة ديالهم و إخلاصهم وصدقهم وتضحياتهم والمعجزات لي وقعت ليهم هو دليل قاطع على ان كتاب المقدس كلام الله .

عدم القدرة على تدمير الكتاب المقدس : الكتاب المقدس تعرض لبزاف الهجمات والمحاولات لتشويش عليه من علماء واتجاهات سياسية , لكن بقا قوي ومؤثر حتى لهاد اليوم , وهو أكثر لكتب انتشارا وتوزيعا في العالم . تيقول السيد المسيح

“رَاهْ السّْمَا وْالْأَرْضْ غَيْفْنَاوْ وَلَكِنْ كْلَامِي عَمّْرُه مَا غَيْفْنَى.” (مرقس 31:13). نعم – الكتاب المقدس هو حقا كلمة الله.

واش الكتاب ديال النصارى بصح كلام الله ؟
واش الكتاب ديال النصارى بصح كلام الله ؟

 

اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟