واش المسيح هو الله ؟
واش المسيح هو الله ؟

واش المسيح هو الله ؟

ماكينش شي أية في الكتاب المقدس , تيقول فيها المسيح “أنا هو الله” لكن هاد متيعنيش أن السيد المسيح مقالش أنه الله .

خلينا نقراو الكلام ديال السيد المسيح ورد الفعل ديال اليهود ونحكمو . في إنجيل يوحنا تنقاو بأن المسيح قال : ” رَاهْ أَنَا وْالْآبْ وَاحْدْ”. يوحنا 30:10

والرد الفعل ديال ليهود هو : “وْجَاوْبُوهْ لِيهُودْ: «مَا بْغِينَاشْ نْرَجْمُوكْ عْلَى قْبَلْ شِي عَمَلْ مْزْيَانْ، وَلَكِنْ عْلَى قْبَلْ كْلَامْ الْكُفْرْ دْيَالْكْ، حِيتْ نْتَ غِيرْ بْنَادْمْ وْرْدِّيتِي رَاسْكْ إِلَاهْ!” يوحنا 33:10.

لي دققنا في هدا الكلام تنقاو أن اليهود ترجموا لكلام ديال سيد المسيح أنه إدعا بأنه الله , بالمقابل السيد المسيح مصححش معلومات ديالهم ومقالش ليهم انا لم أدعي أنني أنا الله . وهدا تيوضح بأن يسوع المسيح كان تيعني بصريح العبارة بانه الله بقوله ” رَاهْ أَنَا وْالْآبْ وَاحْدْ ” يوحنا 30:10.

مثال أخر تنقراوه في أنجيل يوحنا  58:8 تيقول يسوع المسيح : ” وْجَاوْبْهُمْ يَسُوعْ وْݣَالْ: «نْݣُولْ لِيكُمْ الْحَقّْ: رَاهْ قْبَلْ مَا يْكُونْ إِبْرَاهِيمْ، أَنَا كْنْتْ». “. وللمرة الثانية اليهود تيهزو لحجر باش ارجموه , لان الكلام ديال يسوع المسيح فيها إدعاء بأنه الله

مثال أخر غادي نقاوه لما قال التلميد توماس للمسيح ” رْبِّي وْإِلَاهِي! ” في (يوحنا 28:20)

يسوع المسيح مادارش فيه , وما صححش ليه كلامو , هدا تيعني أنه قابل وراضي . ونزيدك صديقي المستمع راه كين بزاف الأيات لي موجودة في الكتاب المقدس , تثبت الوهية ديال يسوع المسيح .

ضروري خص أكون يسوع المسيح هو الله , المسيح هو الله لي خاد صورة إنسان ومات باش إرفع علينا الخطية ويتحمل العقاب الواجب على بني أدم . وْهُوَ الدّْبِيحَة اللِّي تْقَدّْمَاتْ بَاشْ يْتّْغَفْرُو بِيهَا دْنُوبْنَا. مَاشِي غِيرْ دْنُوبْنَا، وَلَكِنْ حْتَّى دْنُوبْ ݣَاعْ النَّاسْ. (يوحنا الأولي 2:2)

الله هو وحده لي قادر باش يدفع علينا هاد الدين العظيم , وهو وحده لي قادر إموت ويحيا من موت ويغلب الخطيئة والموت. حِيتْ هَادَاكْ اللِّي عَمّْرُه مَا دَارْ شِي دَنْبْ، خْلَّاهْ اللَّهْ يْهَزّْ الدّْنُوبْ عْلَى وْدّْنَا، بَاشْ بِيهْ نْكُونُو مْقْبُولِينْ عَنْدْ اللَّهْ. (كورنثوس الثانية 21:5).

واش المسيح هو الله ؟

واش المسيح هو الله ؟