كيفاش هو الصوم في المسيحية؟
كيفاش هو الصوم في المسيحية؟

كيفاش هو الصوم في المسيحية؟

في الكتاب الأنجيل ماكينش شي أمر من الله تيطالب المسيحين باش إصمو , لكن تنقاو الكتاب الانجيل تيقدم الصوم أنه حاجة مزيونة ونافعة بزاف .

غادي نقراو في إنجيل لوقا 33:5 : وْشِي وْحْدِينْ مْنّْهُمْ ݣَالُو لْيَسُوعْ: «تْلَامْدْ يُوحَنَّا كَيْصُومُو وْكَيْصَلِّيوْ بْزَّافْ بْحَالْ تْلَامْدْ الْفْرِّيسِيِّينْ، أَمَّا تْلَامْدْكْ رَاهُمْ كَيَاكْلُو وْكَيْشَرْبُو!» 34 وْجَاوْبْهُمْ يَسُوعْ: «وَاشْ تْقَدْرُو تْخَلِّيوْ الْمْعْرُوضِينْ لْلْعَرْسْ يْصُومُو وْالْعْرِيسْ بَاقِي مْعَاهُمْ؟ 35 وَلَكِنْ غَادِي يْجِي الْوَقْتْ اللِّي غَيْتّْخَادْ الْعْرِيسْ مْنْ بِينَاتْهُمْ، وْفْدِيكْ السَّاعَة غَيْصُومُو»

في الغالب تنقاو الصيام في الكتاب المقدس تيشير ديما الى الامتناع عن الماكلة . لكن راه أي شيء تتمنع عليها مؤقتا باش إساعدك تركز على الله راه صيام , لأن الغرض الأساسي من الصوم هو نحولو نظرنا من الأشياء العالمية ونركز على الله .

صديقي المستمع الكتاب المقدس محددش وقت ولا شهر ولا طريقة لصوم , بل ترك الامر ليك وللمؤمنين واش تيقول لك روح الله القدس للأمر الهام الذي من اجله نصمو ونصلي .  نقرأ في الإنجيل المقدس في سِفر أعمال الرّسُل 14: 23 . وْمْلِّي بُولُسْ وْبَرْنَابَا خْتَارُو لْلتّْلَامْدْ شْيُوخْ فْكُلّْ كْنِيسَة، صْلَّاوْ وْصَامُو مْعَاهُمْ وْخْلَّاوْهُمْ فْيْدِّينْ الرَّبّْ اللِّي آمْنُو بِيهْ

الصوم ديما عندو إرتباط بالصلاة , ماتنصموش ونصليو باش نقنعو الله أش بغينا نديرو , ولكن صيام تبين لينا الطريق وتيزيد من إتكالنا على الله وتنكسبو علاقة عميقة مع الخالق , الصيام تيغيرنا , ولكن ماتيغيرش الله .

صديقي المستمع وأنت صايم نوصيك تفكر في هده الايات من إنجيل متى 16:6-18

«إِلَا صْمْتُو، مَا تْكُونُوشْ مْعَبّْسِينْ بْحَالْ الْمُنَافِقِينْ اللِّي كَيْعَبّْسُو وْجُوهْهُمْ بَاشْ يْبَيّْنُو لْلنَّاسْ بْلِّي هُمَ صَايْمِينْ. نْݣُولْ لِيكُمْ الْحَقّْ: هَادُوكْ رَاهُمْ خْدَاوْ الْأَجْرْ دْيَالْهُمْ مْنْ عَنْدْ النَّاسْ. 17 وَلَكِنْ نْتَ مْلِّي تْصُومْ، دْهَنْ شَعْرَكْ وْغْسَلْ وْجْهَكْ، 18 حِيتْ مَاشِي لْلنَّاسْ لَمّْنْ خَاصّْكْ تْبَانْ صَايْمْ، وَلَكِنْ لْبَّاكْ اللِّي فْالسِّرْ، وْبَّاكْ اللِّي مَا كَتْخْفَى عْلِيهْ خَافِيَّة هُوَ يْجَازِيكْ».

كيفاش هو الصوم في المسيحية؟

كيفاش هو الصوم في المسيحية؟