اليوم قعدت قعدة مع راسي تنحل وتنفك , وسولت راسي شلة سؤالات , ولقيت بلي دنيا فرح وكية , مرة حمامة ومرة حنش بنياب حية , دنيا دايرة دورة الرحى , اليوم عليا وغدا عليك , هي مراية وريها توريك , ويا ما داز على هاد الراس .
عشنا وشفنا , بلي كين على هاد الدنيا اللي تيقاسي همومها وكين اللي على البر هو عوام , فلا تخمم ولا تدبر ولا تحمل الهم ديمة , الفلك ما هو مسمر ولا الدنيا مقيمة ديما , والله يحد الباس و يجعل وكيلك هو الله .
