الْبَابْ الضّْيِّقْ

اليوم قعدت قعدة مع راسي تنحل وتنفك , وسولت راسي شلة سؤالات , ولقيت بلي دنيا فرح وكية , مرة حمامة ومرة حنش بنياب حية , دنيا دايرة دورة الرحى , اليوم عليا وغدا عليك ,  هي مراية وريها توريك ,  ويا ما داز على هاد الراس .

عشنا وشفنا , بلي كين على هاد الدنيا اللي تيقاسي همومها وكين اللي على البر هو عوام , فلا تخمم ولا تدبر ولا تحمل الهم ديمة , الفلك ما هو مسمر ولا الدنيا مقيمة ديما  , والله يحد الباس و يجعل وكيلك هو الله .

تتقول كلمة الله : دَخْلُو مْنْ الْبَابْ الضّْيِّقْ، حِيتْ الْبَابْ اللِّي كَيْدِّي لْلْهْلَاكْ وَاسْعْ وْطْرِيقُه سَاهْلَة، وْكْتَارْ اللِّي كَيْدَخْلُو مْنُّه. شْحَالْ مْضَيّْقْ الْبَابْ وْشْحَالْ وَاعْرَة الطّْرِيقْ اللِّي كَتْدِّي لْلْحَيَاةْ، وْقْلَالْ اللِّي كَيْلْقَاوْهَا .

انجيل متى الاصحاح 7 والعدد 13 -14

الْبَابْ الضّْيِّقْ