بْغِيوْ بْعْضِيَّاتْكُمْ بْحَالْ الْخُوتْ
بْغِيوْ بْعْضِيَّاتْكُمْ بْحَالْ الْخُوتْ

بْغِيوْ بْعْضِيَّاتْكُمْ بْحَالْ الْخُوتْ

تيقولو ناس زمان اخلْط مع الجّماعة ولا تصبْ وحدكْ , والأناني تيبْقى وحْداني .

اوتيقولو أتاي الجّوقة صالح للدّوقة , ما أحلى جلسة و كْعدة ولمّه مع الناس لملاح , تماك فين تنصيب راحتي , والله يجبنا في صواب و يجيب لينا لي ما أحسن منا في الدين والخلق.

أختي وخويا , أصحب الناس الخيار ترجع من الناس الكبار , الذهب كيفتش على الذهباني والقمل كيفتش على الصباني , ورد بالك اللِّي بغيتي صحبتُه تدوم حاسبُه كل يوْم , واللِّي تصحبُه ما تلعْب عليه و اللِّي تعملُه خوك لا تلْوي عليه .

الناس بالناس و الناس بالله , تتقول كلمة الله : خَاصّْ تْكُونْ الْمْحَبَّة دْيَالْكُمْ بْلَا نِفَاقْ، كْرْهُو الشَّرّْ وْتْبْتُو فْالْخِيرْ. بْغِيوْ بْعْضِيَّاتْكُمْ مْنْ قَلْبْكُمْ بْحَالْ الْخُوتْ. وْحْتَرْمُو غِيرْكُمْ كْتَرْ مْنْ رَاسْكُمْ. دِيرُو جَهْدْكُمْ وْمَا تْكُونُوشْ مْعْݣَازِينْ، تّْشَجّْعُو فْالرُّوحْ وْخْدْمُو لْلرَّبّْ. وْفْرْحُو بْسْبَابْ الرّْجَا اللِّي عَنْدْكُمْ، وْصْبْرُو فْالْمْحْنَة، وْصَلِّيوْ عْلَى الدّْوَامْ. عَاوْنُو الْمُومْنِينْ الْمْحْتَاجِينْ، وْدِيمَا ضَايْفُو الْبْرَّانِيِّينْ. بَارْكُو اللِّي كَيْتّْعَدَّاوْ عْلِيكُمْ، بَارْكُو وْمَا تْلَعْنُوشْ. فْرْحُو مْعَ اللِّي كَيْفَرْحُو، وْبْكِيوْ مْعَ اللِّي كَيْبْكِيوْ. كُونُو مْتَّافْقِينْ مْعَ بْعْضِيَّاتْكُمْ، وْمَا تْدِّيوْهَاشْ فْالْأُمُورْ دْيَالْ الدّْنْيَا وَلَكِنْ كُونُو مْتْوَاضْعِينْ، وْمَا تْحَسْبُوشْ رَاسْكُمْ حُكَمَا. مَا تْرَدُّوشْ الشَّرّْ بْالشَّرّْ. وْدِيرُو جَهْدْكُمْ بَاشْ تْدِيرُو الْخِيرْ قُدَّامْ ݣَاعْ النَّاسْ. وْإِلَا مُمْكِنْ، عِيشُو فْالْهْنَا مْعَ ݣَاعْ النَّاسْ عْلَى قْدّْ جَهْدْكُمْ.

إنجيل رومية الإصحاح 12 العدد 9 إلى 18 .

بْغِيوْ بْعْضِيَّاتْكُمْ بْحَالْ الْخُوتْ

بْغِيوْ بْعْضِيَّاتْكُمْ بْحَالْ الْخُوتْ