اسئلة واجوبة

كيفاش يسوع المسيح هو ولد الله ؟

 الايمان بأن السيد يسوع المسيح هو ولد الله لي نزل من السماء باش افدي البشرية بموته الكفاري على الصليب , راه جوهر واساس في العقيدة المسيحية .

اللِّي عَنْدُه وَلْدْ اللَّهْ عَنْدُه الْحَيَاةْ الدَّايْمَة، وْاللِّي مَا عَنْدُوشْ وَلْدْ اللَّهْ مَا عَنْدُوشْ الْحَيَاةْ الدَّايْمَة’ (يوحنا الأولى 12:5)

لكن خصنا نعرفو شي حاجات اولها . أن الانجيل ماعمرو تكلم على المسيح انه ولد الله بالمفهوم الجنيسي والجسدي , هاد الفكرة راه شريرة وفيها إثم وتعدي على قداسة الله .

الله معندو ولية ولا تريكة , تنقولو ولد الله حيث خاد صورة بنادم على ودنا .

اللِّي كَيْآمْنْ بْوَلْدْ اللَّهْ كَتْكُونْ هَادْ الشّْهَادَة تَابْتَة فِيهْ. وْاللِّي مَا كَيْآمْنْشْ بْاللَّهْ، كَيْرَدّْ اللَّهْ كْدَّابْ، عْلَاحْقَّاشْ مَا كَيْآمْنْشْ بْالشّْهَادَة اللِّي شْهَدْ بِيهَا لْوَلْدُه . يوحنا 1 الاصحاح 5 العدد 10.

اوزيدون راه خصنا نعرفوا بأنه ماكين حتى شي شباه بين أدم والمسيح : أدم اول أنسان خلقه الله , ماعندو باه ماعندو إماه , هو أب ديال كل البشرية . أدم تخلق من تراب الارض . وعاش حياة التقوى في جنة عدن لكن سقط في معصية ودونوب ولعصيان , وعاقبو الله بطرد من الجنة والموت .

أما يسوع المسيح راه تولد بمعجزة سماوية وماعمرو ارتكب شي معصية ولادنب وهو حي في سماء ماميتش . المسيح جا لدنيا في صفة جسد بنادم , باش اعيش معنا .

الجسد مخلوق , لكن المسيح كان مند البدو د الزمان , فهو ولد الانسان في الجسد ولد الله في لاهوته

لما كان تيحاكموا السيد يسوع المسيح أمام الحاكم ديال ليهود , قال رئيس الكهنة ليسوع

“أستحلفك بالله الحي أن تقول لنا: هل أنت المسيح ابن الله؟” (متي 63:26). وجاوبو يسوع ، “أنت قلت! وأيضاً أقول لكم: من الآن تبصرون ابن الأنسان جالساً عن يمين القوة، وآتياً علي سحاب السماء” (متي 64:26). كان رد فعل ديال حكام ليهود إتهام يسوع بالتجديف

أيوا دبا نعرفوا انه لما تنقولو بأن المسيح ولد الله هاد تيعني بأن السيد يسوع المسيح تيساوي الاب في الجوهر , وهدا دليل على العلاقة الخاصة والحميمة بين الاب والابن .

العبرانيين 3:1 يعبر عن ذلك بوضوح، “الذي، وهو بهاء مجده، ورسم جوهره، وحامل كل الأشياء بكلمة قدرته، بعد ما صنع بنفسه تطهيراً لخطايانا، جلس في يمين العظمة في الأعالي”.

كيفاش يسوع المسيح هو ولد الله ؟
كيفاش يسوع المسيح هو ولد الله ؟

اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟