اختبارات وشهادات

قلت ليهم أنا تنحبو وبغيتو

سميتي عبد الغني , تنشتغل مهن حرة , مرة في البناء ومرة في نقل البضائع بالكروسة ديالي , عندي بزاف ديال لخدامي وماعنديش غير خدمة وحدة , متزوج وعندي ثلاثة ديال دراري , المسيح عارفينو ومتقبلينو , وأنا قبلوني لما قلت ليهم أنا تنأمن بأن المسيح هو الله , وعندي إيمان بانه هو الله , كنت حلمت براسي أنا في الكنيسة , لما شفت قناة ديال المعجزة لي هي القناة الاولى لي كانت في الباربور داك الساعة .

قلت ليهم : شت قناة المعجزة وانا تنأمن بان يسوع هو الله وصافي .

فالاول قالو لي : لا خصك تأمن بالله وحده ,  راه المسلمين متيأمنوش بان المسيح هو الله وإبن الله .

قالوا لي : خصك تأمن بالله لي هو الله وماشي إبن الله .

قلت ليهم : اودي انا تنأمن بالمسيح والسلام , ومتنأمنش بالدين الاسلامي , قنعتهم وقلت ليهم أنا تنحبو وبغيتو

وقالوا : لي دبر راسك خد راحتك

مابغاوش اشدوا معايا الضد , واحد النهار بغيت ندخل الكنيسة , وماخلونيش قالو لي الا .

انا أمنت بيسوع هدي مدة , كنت تنتراسل مع واحد العنوان شتو في قناة ديال معجزة مدة هدي لما خرج الباربور اول مرة , شفت الفيلم ديال يسوع المسيح , وعجباتني تمى أنا أمنت بيسوع بأنه هو الله , هدك القناة خلتني نأمن بيسوع هو الله , وحلمت براسي انا في الكنيسة , حلمت براسي انا تنتعبد وأمنت بيسوع هو المخلص .

الرقم ديالكم شتو في الباربو في قناة سات سبعة هديك هي القناة لي تنتفرج فيها دبا .

انا راه كان عندي الكتاب المقدس وتجلى ليا بحال لي سرقوا لي شي حد من المتاع ديال الرحيل , حصلت عليه من قناة معجزة رسلت ليهم بالفاكس ورسلو لي الكتاب المقدس .

بغيت نشكركم على هاد العمل لي تتقومو به , وبغيت نقول ليكم راني تنصلي ليكم وتنصلي لجميع مواطنين يسوع المسيح تنطلب الله ابارك فيهم ويعاونهم .

اظهر المزيد

مقالات ذات صلة

زر الذهاب إلى الأعلى
× كيف لي ان اساعدك ؟